सफलताको रहस्य (एकपटक पढ्नै पर्ने प्रेरणादायी कथा)


लेखापढी      ३ श्रावण २०७७, शनिबार ११:५३

सफलताको रहस्य (एकपटक पढ्नै पर्ने प्रेरणादायी कथा)

एक जना ठुलो सन्यासी पशुपतिनाथ मन्दिर परिसर बाहिर बस्नु हुन्थ्यो । ती सन्यासी त्यहाँ बसेर सधै जोर-जोरले चिच्याउदै “तपाई जे चाहनु हुन्छ त्यहि पाउनु हुन्छ” भनिराख्दथे ।
उक्त बाटो भएर जाने सबैले उनलाइ पागल हो सोच्ने गरेका थिए । ति सन्यासीका कुरा नसुने झैँ गर्दै मानिसहरू आफ्नो बाटो लाग्थे ।

एकदिन उक्त बाटो भएर दुइ जना  युवक साथीहरू जाँदै गर्दा ती सन्यासी “तपाई जे चाहनु हुन्छ त्यहि पाउनु हुन्छ” भन्दै दाेहाेर्याएर चिच्याईरहेको सुने र उनकाे नजिक गए ।  
नजिक गएर ति संयासिलाई सोधे – हजुरलाइ धेरै बेरदेखि “तपाई जे चाहनु हुन्छ त्यहि पाउनु हुन्छ” भनिरहेको सुने तर तपाई नजिक कोहि आउदैनन । के साच्चिकै तपाई चाहेको कुरा पुरा गर्न सक्नुहुन्छ ? 

सन्यासीले भने- भन बाबु!! तिमिलाइ के चाहिएको छ ? म पुरा गर्न सक्छु ।

ती युवकले भने- म ठुलो ब्यापारी बन्न चाहन्छु । म सँग धेरै पैसा र राम्रो व्यापार होस भन्ने चाहना छ । के तपाई हाम्राे इच्छा पुरा गर्न सक्नु हुन्छ ?

सन्यासीले भने “बिलकुल म तिमीहरूका इच्छा पुरा गर्न सक्छु ।” तीमीहरू हात अगाडि बढाउँ ।

उक्त दुवै युवक खुशी हुदै आफ्नो हात अगाडि बढाए ।

सन्यासीले भनेः म एक जनालाइ पैसा दिन्छु र अर्काेलाइ केही कुरा वताउनेछु भने । 

दुवै जना युवकहरू मध्ये एउटाले पैशा र अर्काेले केही सुझाव मात्र पाउने भयाे । 

सन्यासीले एक जनालाइ हातमा पैसाकाे चेक थमाए, उ गयाे ।

अब ति सन्यासीले पनि मन्त्र जप्दै आफ्नो बन्द रहेको हत्केला  अर्काे युवकको हातमा राख्दै भने – बाबु, यो संसारकै अमुल्य धन हो, जसलाई “समय” भन्छन। यसलाई आफ्नो मुट्ठीमा राख अनि तिमीले चाहे जति पैसा प्राप्त गर्न सक्छौ । यसलाई आफ्नो हातबाट निस्कन नदिनु, समयलाई आफ्नो वसमा पार्न सक्यो भने सफल भइन्छ ।

त्यसपछि ती सन्यासीले अर्को बन्द हत्केला ति युवकको हातमा राख्दै भने- बाबु, यो संसारकै अर्को एकदम अमुल्य चिज हो, जुन तिमीले चाहेको व्यापार हो, जसलाई “धैर्यता” भनिन्छ । जब कुनै कार्यमा “समय” लगानी गरेर चाहेको प्रतिफल प्राप्त भएन भने “धैर्यता” गर्न सक्नु पर्छ । यदो तिमि धैर्य भएर अगाडी बढ्न सकेनौ भएन कुनै सफलता प्राप्त गर्न सकिदैन ।

एउटा युवकले पैशा मात्र लगेर गयाे ब्यापार व्यवसाय गर्न भने अर्काे युवकले “समय”“धैर्यता” लाइ गुरुमन्त्रको रुपमा सकारात्मक शिक्षा लिएर बिदा हुदै अठोट गर्यो कि अब उसले आफ्नो समय उचित कार्यमा लगाउने छ र अति धैर्यताका साथ अघि बढ्नेछ ।

केही वर्ष पछि जुन युवकले पैशा मात्र बाेकेर गएकाे थियाे त्याे फेरी पहिलाकाे जस्तै भयाे तर जुन युवकले ज्ञान लगेर गएकाे थियाे त्याे धेरै धनी मानिस भयाे । 


कथाको सार :
हरेक व्यक्ति आफु  सफल बन्ने, ठुलो हुने सपना देखेको हुन्छ तर उक्त सपना साकार पार्न “समय” लाई सदुपयोग गर्न सक्नुपर्दछ। समयलाई व्यतित होइन समयलाई लगानी गर्न सिक्नुहोस । साथै हरेक कार्यमा धैर्यता आबश्यक पर्दछ । त्यसकारण यदि तपाईमा धैर्यता छैन भने सफल हुन सकिदैन ।

“समय” र “धैर्यता” सफलताका मुख्य सुत्र हुन। तपाईको समय सफल रहोस भन्ने कामना गर्दछु ।



by : D. Chand Thakuri
d.chandthakuri67@gmail.com


“Thank you for your valuable time”
www.lekhapadhee.com
हजुरहरुका अमुल्य लेख- रचना हामीलाई इमेल गर्नुहोस :-  lekhapadhee@gmail.com