दार्चुलामा पहिरोले घर पुरिदा बावुछोराका मृत्यु, ५ घाइते


लेखापढी      १५ असार २०७७, सोमबार ११:३७

दार्चुलामा पहिरोले घर पुरिदा बावुछोराका मृत्यु,  ५ घाइते

दार्चुलामा घर माथिबाट आएको पहिरोले बावु छोराको मृत्यु भएको छ । अन्य पाँच जना घाइते भएका छन् ।

नौगाड गाउँपालिका–४ होपरीमा पहिरोले घर पुरिएर चार वर्षीय सुशान्त महता र उनका बुवा २५ वर्षीय चन्द्रसिंह महताको मृत्यु भएको जिल्ला प्रहरी कार्यालय दार्चुलाले जनाएको छ ।

पहिरोमा परि अन्य ५ जना घाइते भएका छन् । चनमती महताको अवस्था गम्भीर रहेको जिल्ला प्रहरी कार्यालय दार्चुलाका प्रहरी निरीक्षक सुरेन्द्र जोशीले बताए । उनको जिल्ला अस्पतालमा उपचार भइरहेको छ।  

आइतबार राति जलविद्युतको नहर भत्किँदा गएको पहिरोले अन्य ३ घरमा पनि क्षति पुर्याएको उनले जानकारी दिए ।