लुकाउनु किन पर्‍यो


लेखापढी      १३ जेष्ठ २०७७, मंगलवार १९:५४

लुकाउनु किन पर्‍यो

उघारिदेउ मनका कुरा लुकाउनु किन पर्‍यो,
कसिएको दिलको डोरी फुकाउनु किन पर्‍यो !

त्यो मनको मझेरिमा कोही फुल फुलाउदैछ,
त्यसैले त मनको मुहान सुकाउनु किन पर्‍यो !

लुकी-लुकी झ्यालबाट टोलाएर हेर्न खोज्छौ,
समिप हुँदा नजरहरु झुकाउनु किन पर्‍यो !

दिल भित्र लुकी बस्ने आट पनि छैन भने,
नजर बाण हानी मुटु दुखाउनु किन पर्‍यो !

रहरका ’अंकुर’ बोकी तिम्रो सामु पुग्नै लाग्दा,
डिलैबाट भोटे कुकुर भुकाउनु किन पर्‍यो !


अंकुर चन्द
सुदुरपश्चिम